Өрөспүүбүлүкэ урбаанньыттарын күнүгэр анаммыт тэрээһиннэр онлайн-форматынан ыытыллыахтара.
Бу туһунан СӨ Урбаан, атыы-эргиэн уонна туризм министиэристибэтэ иһитиннэрэр. Куйаар ситиминэн ыытыллар тэрээһин иитинэн маастар-кылаастар, төгүрүк остуоллар, вебинардар былааннаналлар. Манна билигин үлэлии сылдьар урбаанньыттар да, саҥа саҕалааччылар да кыттыахтарын сөп.
—Урбаанынан дьарыктанааччыларга быйылгы тэрээһин өссө ордук наадалаах уонна суолталаах. Бу судургута суох кэмҥэ биисинэһинэн дьарыктанааччылары түмэр соруктаах, балаҕан ыйын 21-27 күннэригэр, куйаар ситиминэн наадалаах, туһалаах, интэриэһинэй уонна болҕомтону тардар тэрээһиннэри тэрийэбит. Урбаанньыттары уонна бэйэ дьыалатынан дьарыктаныан баҕалаахтары көхтөөх кыттыыны ыларгытыгар ыҥырабыт!, — диэтэ урбаан миниистирэ Ирина Высоких.
Өрөспүүбүлүкэ урбаанньыттарын күнүгэр аналлаах бырагырааманы министиэристибэ саайтыгар киирэн эбэтэр ссылканан көрүҥ.
+1
+1
+1
+1
+1
+1
+1