Ил Дархан Айсен Николаев өрөспүүбүлүкэ экэниэмикэтэ туруктаах буолуутугар мунньах ыытта. Мунньахха дьон-сэргэ дохуоттаах, дьарыктаах буолуутугар, аһы-үөлү хааччыйыыга, коммунальнай хаһаайыстыбаҕа, тыа хаһаайыстыбатыгар, дьоҕус бизнеһи сайыннарыыга миэрэлэри бигэргэттэ.
Бу миэрэлэр барыта 14,9 млрд солкуобайга тэҥнэһэллэр. Ол курдук, аһынан-үөлүнэн хааччыллыыга 2,4 млрд солкуобай барыаҕа. Ити социальнай суолталаах табаардарга сыана өрө тахсыбатын хааччыйыаҕа. Дьиэлэри тутууга 2,2 млрд солкуобай, тутуу эйгэтигэр үлэлии сылдьар предпринимателлэргэ 2,6 млрд солкуобай көрүлүннэ.
Кыра дохуоттаах дьиэ кэргэҥҥэ уонна биирдиилээн дьоҥҥо барыта 72,8 мөлүйүөн солкуобайдаах көмө барыаҕа. Ону сэргэ социальнай хантараактары түһэрсии суумата 300 тыһыынча солкуобайга, кэтэх хаһаайыстыбаны тэринии 250 тыһыынча солкуобайга диэри улаатыаҕа, кулун тутартан үлэлэриттэн уурайбыт дьоҥҥо эмиэ көмө барыаҕа, кинилэр тиийинэн олоруу алын кээмэйин ылыахтарын сөп. Манна барытыгар 30,6 мөлүйүөн солкуобай көрүлүннэ.
Аграфена КУЗЬМИНА, «Саха сирэ» хаһыат, edersaas.ru