Доруобуйа Сүрүн

Өрөспүүбүлүкэ таһыттан кэлбиттэр эппиэтинэстээх буолаллара эрэйиллэр

Дойдуга «Омикрон» штамм баар буолбутунан, СӨ Роспотребнадзор управлениета салгын аалынан көтөн кэлбит дьоҥҥо Дьокуускай куорат аэропордугар экспресс-тиэһи босхо оҥорторорго сүбэлиир.

edersaas.ru

Ону таһынан бастакы 2-3 күн иһигэр ПЦР эбэтэр ИХА анаалыстары туттарыллар. Атын дойдуттан кэлбиккит кэннэ ОРВИ сибикилэрэ билиннэхтэринэ, суһаллык бырааһы ыҥырыҥ.
Соҕуруу Африкаттан, Ботсвантан, Лесото Королевствоттан, Намибияттан, Зимбабветтан, Мозамбиктан, Намибияттан, Мадагаскартан, Эсватини Королевствоттан, Танзанияттан, Гонконг анал административнай оройуонуттан кэлбиттэр 14 халандаарынай күн устата изоляцияҕа олороллоро булгуччулаах. Ковид-19 ыарыыга ПЦР ньыматынан иккитэ (бастакыта — кэлбиттэрин кэннэ 2 күнүнэн, иккиһэ -– 10-12-с күннэригэр) лаборатория чинчийиилэрин эбии ааһар эбээһинэстээхтэр.
Ону таһынан СӨ Ил Дархана Айсен Николаев тохсунньу 14 күнүнээҕи Ыйааҕынан, омук сириттэн кэлбит, ковидтаах  ыарыһаҕы кытары хантаактаһыы түбэлтэтигэр олорор сиринэн (обсерваторга) самоизоляция эрэһиимин тутуһуохтаахтар.

Надежда ЕГОРОВА, «Саха сирэ» хаһыат, edersaas.ru

 

0
0
Telegram @edersaas20