Өрөспүүбүлүкэ бу нэдиэлэтээҕи сүрүн сонуннарын билиһиннэрэбит:
Ил Дархан Айсен Николаев «Саха Өрөспүүбүлүкэтигэр 2020 сылга сааскы булт» туһунан Ыйаахха илии баттаата. Онон сааскы булт харантыын буола турар сирдэриттэн ураты атын сирдэргэ көҥүллэннэ. Санатан эттэххэ, Алдан куоракка, Чайыҥдаҕа, Сунтаарга баар баахтабай бөһүөлэк сиригэр-уотугар карантин биллэриллибитэ.
Бу нэдиэлэҕэ икки миниистир дуоһунастарыттан босхолоннулар.Онон бырабыыталыстыбаҕа уларыйыылар таҕыстылар.
Кирилл Бычков бырабыыталыстыба бэрэссэдээтэлин бастакы солбуйааччы эбээһинэһин толорооччунан ананна
Онтон Үүнэр көлүөнэ пуондатын салайааччынан үлэлии олорбут Сергей Местников бырабыыталыстыба бэрэссэдээтэлин солбуйааччы эбээһинэһин толорооччунан ананна
Саха Өрөспүүбүлүкэтин Ил Дарханын уонна бырабыыталыстыбатын дьаһалатын салайааччытын бастакы солбуйааччыта Павел Владимирович Иванов дуоһунаһыттан босхолонно уонна Баай-дуол, сир сыһыаннаһыыларын миниистирин эбээһинэһин толорооччунан ананна.
Саха Өрөспүүбүлүкэтин Үөрэҕин уонна наукатын миниистирин эбээһинэһин толорооччунан Михаил Петрович Сивцев, онтон Павел Кылатчанов Тутуу миниистиринэн, итиэннэ Владимир Сивцев Тырааныспар уонна суол хаһаайыстыбатын миниистиринэн ананнылар.
СӨ Олоххо-дьаһахха куттал суох буолуутун хааччыйар судаарыстыбаннай кэмитиэтин иһитиннэриитинэн, ыам ыйын 2 күнүнээҕи туругунан Өлүөнэ мууһа Ленскэй оройуонунан устар.
Үөрэҕи уонна науканы кэтээн көрөр федеральнай сулууспа түмүктүүр өйтөн суруйуу резервнэй болдьоҕун ыам ыйын 6 күнүттэн ыам ыйын 25 күнүгэр көһөрдө. Туһааннаах быһаарар суругу эрэгийиэн үөрэҕи салайар уорганнарыгар ыыталаата.
edersaas.ru