Өрөспүүбүлүкэтээҕи волонтердар куорпустарыгар ааспыт суукка иһигэр 375 сайаапка киирдэ. Уопсайа бу күннэргэ 7589 сайаапка киирэн, 7475 көрдөһүүнэн үлэ ыытылынна.
edersaas.ru
Онтон волонтер ахсаана 17 киһинэн элбээн, билигин өрөспүүбүлүкэ үрдүнэн үтүө санаалаах 2492 волонтер үлэлиир. Муус устар 14 күнүгэр волонтердар куорпустарыгар СӨ бэрэсидьиэнин уонна бырабыыталыстыбатын дьаһалтатын 4 массыынатын туһаныыга бэриллибитэ. Маны таһынан волонтердар бэйэлэрин массыыналарынан сылдьаллар. Уопсайа өрөспүүбүлүкэ үрдүнэн 270 массыына үлэлиир.
Сайаапкалар федеральнай колл-кииҥҥэ киирэллэр. Төлөпүөн +7(800)-200-34-11 күнүстэри-түүннэри үлэлиир. Маны таһынан Доруобуйа харыстабылын өрөспүүбүлүкэтээҕи колл-киинигэр +7(800)-100-14-03 уонна волонтердар өрөспүүбүлүкэтээҕи колл-кииннэрин нүөмэригэр +7(4112)35-10-46.
Өрөспүүбүлүкэтээҕи волонтердар куорпустара иһитиннэрбитинэн, муус устар 16 күнүгэр биир киһи (аатын эппэтэх) 640 устуука антисептигы аҕалан биэрбит. Маны таһынан Бүлүү улууһун Чочу волонтердарыгар харыстанар сириэстибэлэри, ол иһигэр 500 бэрчээккини, элбэхтик кэтиллэр 50 маасканы уо.д.а. биэрбиттэр.
edersaas.ru