Өрөспүүбүлүкэ үрдүнэн кэнники хонукка 145 киһи коронавирустаабыт.
Коронавирус дьаҥын бохсууга үлэлэһэр өрөспүүбүлүкэтээҕи суһал ыстаап бүгүн, атырдьах ыйын 28 күнүгэр иһитиннэрэринэн, өссө 145 киһи коронавирустаабыт.
Дьокуускайга 87 киһи ыалдьыбыта бэлиэтэнэр. Улуустары ылан көрдөххө хайдаҕый? Өлүөхүмэҕэ – 8, Мииринэйгэ – 6, Нерюнгри, Сунтаар оройуоннарыгар — биэстии, Муомаҕа – 4, Ньурбаҕа, Орто Халымаҕа, Чурапчыга — үстүү, Үөһээ Халымаҕа, Бүлүүгэ, Эдьигээҥҥэ, Намҥа, Тааттаҕа, Уус Алдаҥҥа — иккилии, Алдаҥҥа, Булуҥҥа, Верхоянскайга, Ленскэйгэ, Өлөөҥҥө, Уус Маайаҕа, Усуйаанаҕа, Хаҥаласка, Эбээн Бытантайга — биирдии киһи ыалдьыбыта бэлиэтэммит.
Өрөспүүбүлүкэ лабораторияларыгар биир хонук устатыгар 3 731 анаалыс оҥоһуллубут. Пандемия саҕаланыаҕыттан 1 341 659 тест бэрэбиэркэлэммит.
+1
+1
+1
+1
+1
+1
+1