Бырабыыталыстыба бэрэссэдээтэлин солбуйааччы Ольга Балабкина бүгүҥҥү балаһыанньаны видео-сибээс көмөтүнэн суруналыыстарга билиһиннэрдэ.
Коронавирус дьаҥар хаптарбыт дьон ахсаана бүгүҥҥү күн туругунан уларыйа илигин, ол да буоллар өрөспүүбүлүкэҕэ тыҥааһыннаах кэм буола турарын эттэ. Өссө төгүл өрөспүүбүлүкэ олохтоохторун дьиэҕэ олороллоругар ыҥырда. Ольга Балабкина этэринэн, ордук Дьокуускай куоракка дьон уулуссаҕа сылдьыыта элбэх.
Дьокуускай куоракка Роспотребнадзор икки лабораторията, Доруобуйа харыстабылын министиэристибэтин эмиэ икки лабораторията уонна Нерюнгри куоракка арыллыбыт лаборатория күүстээх эрэсиимҥэ үлэлии олороллорун эттэ. Кэлэр бэнидиэнньиктэн өссө биир саҥа лаборатория Мииринэй куоракка арыллан үлэлиэҕэ диэтэ. Онон өрөспүүбүлүкэ үрдүнэн уопсайа 6 лаборатория коронавируска тест оҥоруохтара.
Ньургуйаана Иванова, “Саха сирэ” хаһыат, edersaas.ru
Хаартыска интэриниэттэн