Өрөспүүбүлүкэ үрдүнэн 104 ыарыһах  коронавирус дьаҥыттан эмтэнэр

Бөлөххө киир:

Муус устар 25 күнүнээҕи туругунан, өрөспүүбүлүкэ үрдүнэн 145  дьаҥнаабыт дьонтон 18-һа үтүөрэн, балыыһаттан тахсыбыт.


Өрөспүүбүлүкэ инфекционнай балыыһаларыгар билигин 104 ыарыһах эмтэнэ сытар: Дьокуускай куоракка – 41, Алдаҥҥа — 43, Сунтаарга – 10, Ленскэйгэ — 5, Бүлүүгэ — 2, Мииринэй, Нерюнгри куораттарыгар уонна Өймөкөөн улууһугар  биирдии.

Бүгүн эбиллибит аҕыс ыарыһахтан, алтата — Дьокуускай куоракка, иккитэ  —  Алдаҥҥа. Суукка иһигэр барыта 1412 анаалыс оҥоһуллубут. Оттон обсерваторга барыта 605 киһи сытар.

Бу туһунан коронавируһу утары үлэлиир өрөспүүбүлүкэтээҕи суһал ыстаап иһитиннэрэр.

Ньургуйаана Иванова, “Саха сирэ”  хаһыат, edersaas.ru

Хаартыска интэриниэттэн

+1
0
+1
0
+1
0
+1
0
+1
0
+1
0
+1
0