Өрүс тырааныспара лаппа эргэрэн, билигин ааспыт үйэҕэ оҥоһуллубут суудуналар дьону таһаллар. Өрөспүүбүлүкэ салалтата кэлиҥҥи сылларга устар ааллары саҥардыыга улахан болҕомтотун уурар.
Холобур, былырыын «Өлүөнэтээҕи холбоһуктаах пароходство» ПАУо алын сүһүөх тэрилтэтэ — «Ленатурфлот» ХЭТ Дьокуускай — Аллараа Бэстээх хайысхатынан «Нептун» итиэннэ Дьокуускай — Өлүөхүмэ — Ленскэй — Пеледуй – Витим хайысхатынан “Валдай – 45Р” саҥа устар ааллары сырытыннарар буолбута.
Онтон бу күннэргэ СӨ тыраныыспарын миниистирэ Владимир Сивцев Нижегородскай уобалас Чкаловскай куоратыгар тиийэн «Метеор120Р» суудуна тутуутун билистэ. Р.Е. Алексеев аатынан конструкторскай бюроҕа түргэн сырыылаах теплоходтары оҥорон таһаараллар.
2023 — 2025 сылларга РФ Бырамыысыланнаһын уонна атыыга-эргиэҥҥэ министиэристибэтин чэпчэтиилээх лизинг бырагырааматынан Саха сиригэр үс суудуна кэлиэхтээх. Тырааныспар миниистирэ Нижегородскай уобаласка сырыытын кэмигэр, «Метеор 120Р» суудуналары болдьоҕун иннинэ эрдэ аҕалалларын туһунан кэпсэтии ыытта.
Онон бастакы «Метеор» бу сыл сэтинньитигэр оҥоһуллан бүтэн, 2023 сыллааҕы навцигацияҕа социальнай суолталаах хайысхаларынан дьону таһыаҕа.
Ыспыраапка:
Пассажирдары таһар «Метеор» 120 миэстэлээх. Биир чааска 75 км устар. Суудуна 34,4 м уһуннаах уонна 9,2 м кэтиттээх.
edersaas.ru
+1
+1
+1
+1
+1
+1
+1