Өрөспүүбүлүкэ күнүгэр «Добун оһуохай” буолуоҕа

Бөлөххө киир:

Саха Өрөспүүбүлүкэтин күнүгэр бары улуустарга, куораттарга баар биир дойдулаахтар түмсүүлэрэ “Добун оһуохайга” кыттыахтара.

СӨ култууратын уонна духуобунай сайдыыга миниистирин бастакы солбуйааччы Владислав Левочкин иһитиннэрбитинэн, оһуохай күнүс 15.00 чаастан саҕаланыаҕа. Тоҕо бу бириэмэни талбыттарын сүрүн биричиинэтэ – атын эрэгийиэннэргэ олорор саха дьоно оһуохайга кытталларын туһугар туһуламмыт.
Муус устар 27 күнүгэр буолар Саха АССР төрүттэммитэ 100 сылыгар ананар оһуохайга  ыҥырабыт. Оһуохай Дьокуускай куорат Комсомольскай болуоссатыгар ыытыллыаҕа. Ону сэргэ, бары улуустарга эмиэ оһуохайдыахтара. Ким баҕалаах бу тэрээһиҥҥэ кыттыан сөп. “Добун оһуохай” кэнниттэн болуоссакка эстрада тыйаатырын, Филармония, “Туймаада” ансаамбыл артыыстара кыттыылаах кэнсиэр ыытыллаҕа, — диэн Владислав Левочкин иһитиннэрдэ.
Сүрүн тэрийээччинэн СӨ култуураҕа уонна духуобунай сайдыыга министиэристибэтэ, “Оһуохай” айар түмсүү, “Олоҥхо” тыйаатыра, өрөспүбүлүкэтээҕи норуот айымньытын социальнай-култуурунай технологиятын дьиэтэ буолаллар.

Саха Өрөспүүбүлүкэтин 100 сыллаах үбүлүөйүн “Добун оһуохайыгар” эн эмиэ кытын!

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0