Ил Дархан Айсен Николаев телеграм ханаалыгар үөрүүлээх сонуну иһитиннэрдэ:
“Бүгүн Дьокуускайга, Өрөспүүбүлүкэ күнүгэр, муус устар 27 күнүгэр, төрөөбүт кырачааннары төрүүр дьиэттэн таһаарар үөрүүлээх тэрээһин буолан ааста! Ити күҥҥэ Саха сирин 13 саҥа олохтоохторо күн сирин көрбүттэр – 7 уол уонна 6 кыыс.
Оҕолор төрөппүттэрэ “Үйэ оҕолоро” хапытаал сэртипикээтин туттулар, ону таһынан оҕолорго үрүҥ көмүстэн оҥоһуллубут оонньуурдары бэлэхтээтилэр.
Бу кэрэ бэлиэ түгэнинэн төрөппүттэри истиҥник эҕэрдэлиибин. Оҕолорго кытаанах доруобуйаны, дьолу-соргуну, дьоллоох оҕо сааһы, элбэх үөрүүнү баҕарабын! Маннык даатаҕа төрөөбүт оҕолор төрөөбүт өрөспүүбүлүкэбит уонна улахан дойдубут дьоһуннаах гражданнара буола улаатыахтара диэн эрэнэбин».
Хаартыска Ил Дархан телеграм-ханаалыттан