«Арктика — ыллыктаах кэпсэтии сирэ» норуоттар икки ардыларынааҕы форумҥа Саха Өрөспүүбүлүкэтин Ил Дархана Айсен Николаев Санкт-Петербург бырабыыталыстыбатын кытары «Өйдөөх куорат» куорат хаһаайыстыбатын цифровизациялааһыҥҥа сөбүлэһиини түһэрсэрэ, «Нацпроекты в Арктической зоне РФ: механизмы реализации» сессияҕа кыттара былааннанар диэн СИА суруйаллар.
Арктика V форума муус устар 9 уонна 10 күннэригэр Санкт-Петербурга ыытыллар. Пленарнай сессияҕа дойду Бэрэсидьиэнэ Владимир Путин кыттар.
СӨ Ил Дархана Айсен Николаев бырагырааматыгар «Аан дойду табаһыттара» Ассоциация Сэбиэтин бэрэсидьиэнин Сергей Харючины, «ВТБ Лизинг» генеральнай дириэктэрэ Дмитрий Ивантеры, Санкт-Петербург губернатора Александр Бегловы кытары көрсүһүүлэр киллэриллибиттэр. Ону сэргэ, СӨ Бырабыыталыстыбатын уонна РФ Сэбилэниилээх күүстэрин Хотугу Флотун стратегическай командованиетын кытары хардарыта сибээстээх үлэлииргэ сөбүлэһиигэ, Санкт-Петербург Бырабыыталыстыбатын кытта 2019-2023 сс. бииргэ үлэлииргэ илии баттыахтаахтар. Маны сэргэ, Айсен Николаев «Нацпроекты в Арктической зоне РФ: механизмы реализации», «Петербургское малое гражданское судостроение для нужд арктических регионов Российской Федерации», Хотугу форум губернатордарын II көрсүһүүтүгэр кыттара былааннанар.
Саха сирин премьерэ Владимир Солодов Саха Өрөспүүбүлүкэтэ «Средне-Невскэйдээҕи суудунаны тутар собуот» уонна «Жатайдааҕы судоверфь», «Балтийскай собуот» уонна «Жатайдааҕы судоверфь»АУо кытары бииргэ үлэлииргэ сөбүлэһиигэ илии баттыаҕа.
СИА эрдэ суруйбутун курдук, Санкт-Петербурга форумҥа Саха сирэ бэйэтин павильонугар арктическай зонаҕа сүрүн инвестбырайыактар тустарынан мультимедийнай картаны, Жатайдааҕы судоверфь макетын, сэлии муоһун бриллианы кытары дьүөрэлээн оҥоһуллубут «Арктический триумф Якутии» диэн композицияны, о.д.а. туруорда.