Айылҕа харыстабыла Сүрүн

Өрөспүүбүлүкэҕэ ыксаллаах быһыы-майгы эрэсиимэ биллэрилиннэ

Ойуур баһаардарынан сибээстээн, өрөспүүбүлүкэҕэ ыксаллаах быһыы-майгы эрэсиимэ биллэрилиннэ.  Ил Дархан Айсен Николаев  бу туһунан бэйэтин тус телеграм ханаалыгар маннык суруйда:

Күн-дьыл туруга өрөспүүбүлүкэ үрдүнэн лаппа мөлтүү турар, саҥаттан саҥа баһаардар күн аайы күөдьүйэн иһэллэр. Ааспыт хонук иһигэр Саха сиригэр  34 саҥа баһаар көһүннэ, айылҕаҕа умайа сытар сирдэр ахсааннара 60-ҥа диэри улаатта. Бу киһини долгутар эбиллии.

Ааспыт сылы кытта тэҥнээтэххэ, хас да төгүл аҕыйах баһаар умайбытын үрдүнэн, кыаҕы түмэр, ордук тыҥааһыннаах кэмҥэ бэлэм буолар сыалтан өрөспүүбүлүкэ территориятын үрдүнэн суһал быһыы-майгы эрэсиимин киллэрэргэ быһаарыныы ылынным.

Бүгүн баһаар кутталын үрдүк таһыма 10 улууска киллэриллэн турар, Муниципальнай таһымнаах  ыксаллаах  быһыы-майгы Томпоҕо уонна Мииринэйгэ биллэриллибитэ.

 

0
0
Telegram @edersaas20