Бу күннэргэ социальнай ситимнэринэн уонна мессенджердэринэн сымыйа, олоҕо суох сурахтар тарҕаныылара элбээбитинэн сибээстээн, Саха сиригэр «суһал линия» үлэтин саҕалаата. Бу нүөмэргэ эрийэн сыана туругун, тырааныспар сырыытын уонна да атын боппуруостары чопчулаһыахха сөп.
«Суһал линия» нүөмэрэ 8 800 100 60 59.
Олунньу 24 күнүгэр Украинаҕа анал этэрээри хомуйан ыытыы туһунан сымыйа иһитиннэрии тарҕаммыта. Бу иһитиннэриини үгүс киһи итэҕэйэн, улаханнык долгуйбуттара.
Оттон олунньу 25 күнүгэр бааннар харчыны устууга хааччахтааһыны олохтообуттарын туһунан иһитиннэрии тарҕаммыта. Бу иһитиннэрии эмиэ олоҕо суоҕунан ааҕыллар. Билигин бааннар харчыны устууга туох да хааччахтааһыны олохтообокко, уруккутун курдук үлэлии тураллар.
Санатан эттэххэ, сымыйа сураҕы тарҕатааччылар 300 тыһыынчаттан саҕалаан 700 тыһыынчаҕа диэри ыстарааптаныахтарын, биитэр үс сылга диэри көҥүллэрэ быһыллыан сөп.
edersaas.ru