Олунньу 12 күнүнээҕи туругунан, Саха сиригэр 801 оскуола иннинээҕи үөрэх тэрилтэтэ олоҕурбут көрүҥүнэн (очно) үлэлиир.
ОРВИ уонна кириип тарҕанар нуорматын аһарбытынан, Бүлүү улууһунааҕы Бүлүү куорат “Биһикчээн” уһуйаана харантыыҥҥа сабыллыбыт.
Быстах кэмҥэ 16 уһуйааҥҥа 16 бөлөх сабыллан турар (Дьокуускайга – 8, Чурапчыга – 1, Ленскэйгэ – 3, Горнайга – 2, Нерюнгрига — 2).
Өрөспүүбүлүкэ 398 оскуолата олоҕурбут көрүҥүнэн (очно), 235 – очно-заочно, 8 — ыраахтан олорон (дистанционно) үлэлиир.
Коронавирус инфекцията булуллубутунан, Өлүөхүмэ улууһун Чапаево сэлиэнньэтин оскуолата, ОРВИ уонна кириип нуормата тарҕанар нуорматын аһарбытынан Уус Маайа улууһун Белькачи сэлиэнньэтин оскуолата харантыыҥҥа сабыллан тураллар.
Быстах кэмҥэ 14 оскуолаҕа 24 кылаас үлэтэ тохтоото. Ол курдук, коронавирус инфекцията булуллубутунан 13 кылаас сабыылаах (Дьокуускайга – 7, Булуҥҥа – 3, Нерюнгрига – 2, Мэҥэ Хаҥаласка — 1). ОРВИ уонна кириип нуормата тарҕанар нуорматын аһарбытынан 11 кылаас сабыылаах (Алдаҥҥа – 1, Булуҥҥа – 3, Ньурбаҕа – 1, Өймөкөөҥҥө – 2, Өлүөхүмэҕэ – 1, Сунтаарга — 3).
Орто анал үөрэх 6 тэрилтэтэ ыраахтан олорон (дистанционно), 36 тэрилтэ “смешаннай” көрүҥүнэн, Аксения уонна Наталья Посельскаялар ааттарынан Дьокуускайдааҕы балет оскуолата (кэллиэс) олоҕурбут көрүҥүнэн (очно) үлэлииллэр.
СӨ Үөрэҕин уонна наукатын министиэристибэтин пресс-сулууспата.