Олунньу 20 күнүнээҕи туругунан, 801 оскуола иннинээҕи үөрэх тэрилтэтэ олоҕурбут көрүҥүнэн (очно) үлэлиир.
Коронавирус булуллубутунан, Амма улууһун Покровка сэлиэнньэтин “Солнышко” уһуйаана харантыыҥҥа сабыллан турар. Быстах кэмҥэ 20 уһуйааҥҥа 23 бөлөх сабыылаах (Дьокуускайга – 17, Чурапчыга — 6).
Өрөспүүбүлүкэ 388 оскуолата олоҕурбут көрүҥүнэн (очно), 244 – олоҕурбут-кэтэхтэн (очно-заочно), 9 – ыраахтан олорон (дистанционно) үлэлиир.
Коронавируһунан сибээстээн Өлүөхүмэ улууһун Чапаево сэлиэнньэтин, ОРВИ уонна кириип тарҕанар нуормата аһарыллыбытынан Уус Маайа улууһун Белькачи сэлиэнньэтин оскуолалара харантыыҥҥа сабыллан тураллар.
Саха сирин 28 оскуолатыгар 68 кылаас быстах кэмҥэ сабыылаах. Ол курдук, коронавируһунан 26 кылаас (Дьокуускайга – 12, Мииринэйгэ – 12, Нерюнгрига — 2), ОРВИ уонна кириип тарҕанар нуорманы аһарбытынан 42 кылаас (Алдаҥҥа – 2, Дьокуускайга – 22, Мииринэйгэ – 2, Кэбээйигэ – 1, Ньурбаҕа – 1, Сунтаарга – 6, Чурапчыга – 8).
Орто анал үөрэх 4 тэрилтэтэ ыраахтан олорон (дистанционно), 34 тэрилтэ “смешаннай” көрүҥүнэн үлэлииллэр. Олоҕурбут көрүҥүнэн (очно) Аксения уонна Наталья Посельскаялар ааттарынан Дьокуускайдааҕы балет оскуолата (кэллиэс), Арктикатааҕы хотугу норуоттар кэллиэстэрэ (Черскэй, Аллараа Халыма улууһа), Хайа-геологическай тиэхиньикума (Хаандыга, Томпо улууһа), Дьокуускайдааҕы бырамыысыланнас тиэхиньикума (Дьокуускай), Ленскэйдээҕи технологическай тиэхиньикум (Ленскэй, Ленскэй улууһа) үлэлииллэр.
СӨ Үөрэҕин уонна наукатын министиэристибэтин пресс-сулууспата.