Бэлиитикэ Тыа хаһаайыстыбата

Өрөспүүбүлүкэҕэ оттооһун туруга

Өрөспүүбүлүкэ окко былаанын 73 % толорон иһэр. Тыа хаһаайыстыбатын министиэристибэтэ иһитиннэрбитинэн, бүгүҥҥү туругунан, 334,4 тыһыынча тонна от оттонно.

Быйыл кураан дьыл туран, ону таһынан ойуур баһаардара бараннар өрөспүүбүлүкэ үрдүнэн оттооһун арыый бытаарда. СӨ тыатын хаһаайыстыбатын министиэристибэтин дааннайынан, 346,1 тыһыынча га сир оттонуллубут, 334,4 тыһыынча тонна от бэлэмнэниллибит.

Бырабыыталыстыба вице-премьерэ Михаил Никифоров иһитиннэрбитинэн, 11948 тонна сиилэс, 3320 тонна сенаж оҥоһуллубут. Ити былаантан 44 % уонна 22 % ылар.

Улуустарынан ылан көрдөххө, ордук Бүлүү, Үөһээ Бүлүү, Кэбээйи, Амма, Ньурба, Мэҥэ Хаҥалас, Таатта, Ленскэй, Нам, Хаҥалас, Абый, Булуҥ, Эдьигээн, Аллайыаха, Эбээн Бытантай былааннарын толорон иһэллэр. Кинилэр бары быланнарыттан 70 бырыһыанын ылан олороллор.

Оттон Томпо, Уус Алдан, Чурапчы улуустара былааннарын аҥаарын эбэтэр олох кыратын толорон олороллор. Санатан эттэххэ, бу туһунан улуус баһылыктара Ил Дархан Айсен Николаев Таатта улууһугар быһа сибээһинэн ыыппыт мунньаҕар этэн тураллар.

Бу улуустар Амур, Магадаан уобаластарын, Забайкалье кыраайын кытары кэпсэтэн мобильнай биригээдэ ыытан оттото сылдьаллар. Ону сэргэ өрөспүүбүлүкэ улуустарын кытары үлэһэн от ылыахтаахтар.

Аграфена КУЗЬМИНА

0
0