Өрөспүүбүлүкэҕэ элбэх оҕо төрүүр

Бөлөххө киир:

Саха сиригэр демография балаһыанньата тупсара бэлиэтэнэр: элбэх оҕо төрүүр, өлүү ахсаана, дойду уопсай көрдөрүүтүн кытта тэҥнээтэххэ, аҕыйах. Бу туһунан кулун тутар 28 күнүгэр СӨ Доруобуйа харыстабылын министиэристибэтин кэллиэгийэтигэр иһитиннэрдилэр.

edersaas.ru

СӨ доруобуйа харыстабылын миниистирэ Лена Афанасьева мэдиссиинэ үлэһиттэригэр сөптөөх, суһал уонна үрдүк таһымнаах үлэлэрин иһин махтанна.
Кини тоһоҕолоон эппитинэн, оҕо төрөөһүнүгэр үчүгэй көрдөрүүлэрэ -– СӨ Ил Дархана Айсен Николав ыытар уонна өрөспүүбүлүкэ бырабыыталыстыбата олоххо кҥиллэрэр судаарыстыбаннай бэлиитикэлэрин уонна дьаһалларын түмүгэ.
Министиэристибэ чахчыларынан, 2021 сылга Саха сиригэр 12 309 кырачаан күн сирин көрдө. Төрөөһүн уонна нэһилиэнньэ элбээһинин көрдөрүүтүнэн Саха сирэ Уһук Илиҥҥэ -– бастакы миэстэҕэ уонна РФ эрэгийиэннэрин ортолоругар сэттис миэстэҕэ сылдьар.
Саха сирэ орто олох уһунунан  Уһук Илиҥҥэ эмиэ үрдүк көрдөрүүлээх (71,1 сыл) уонна өлүү көрдөрүүтүгэр федеральнай уокурук иһигэр эмиэ саамай намыһах (нэһилиэнньэ биир тыһыынча киһитигэр -– 10,8). 2021 сылга нэһилиэнньэ өлүүтүн сүрүн төрүөттэринэн хаан эргиирин систиэмэтин ыарыылара – 38,1%, искэннэр – 11,8% уонна тас төрүөттэр – 10,3% буолбуттара.
СӨ Доруобуйа харыстабылын кэллиэгийэтин үлэтин түмүгүнэн Доруобуйа харыстабылын министиэристибэтигэр уонна биэдэмэстибэлэргэ соруктар туруоруллуохтара.

Ону таһынан:

— экэниэмиэкэ санкцияларын уонна тас куттал усулуобуйаларыгар өрөспүүбүлүкэ доруобуйатын харыстабылын систиэмэтин туруктаах сайдыытын;

«Доруобуйа харыстабыла» уонна «Демография» эрэгийиэннээҕи национальнай бырайыактары;

— доруобуйа харыстабылын бастакы сүһүөх тэрилтэлэрин модернизациялааһын  эрэгийиэннээҕи бырагыраамаларын уо.д.а.

олоххо киллэриини  дьүүллэһиллиэхтэрэ уонна быһаарыахтара.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0