Өрөспүүбүлүкэҕэ үлэ ырыынага

Ааптар: 
Бөлөххө киир:

Нэһилиэнньэ дьарыктаах буолуутугар уонна экэниэмикэни чөлүгэр түһэриигэ өрөспүүбүлүкэ салалтата ылар миэрэлэринэн, үлэ ырыынагар быһыы-майгы хайдаҕый.

2020 сыл икки кэнники ыйыгар, үлэтэ суохтар ахсааннара 33,1 тыһыынчаттан 29,2 тыһыынча киһиэхэ диэри аччаабыта бэлиэтэнэр. (2020 сыл ахсынньы 30 күнүнээҕи чахчынан).

Росстат чинчийиини ыытыытынан, 2020 сыл балаҕан ыйыттан — сэтинньи ыйга диэри өрөспүүбүлүкэҕэ үлэтэ суохтар ахсааннара кулун тутар ыйы кытары тэҥнээтэххэ 1,0 тыһыынча киһинэн эбиллибит. Уһук Илин федеральнай уокуругун атын субъектарыгар бу кэмнээҕи көрдөрүүнэн үлэтэ суохтар ахсааннара эмиэ үрдээбитэ бэлиэтэнэр: Хабаровскай кыраайга 12 тыһ., Амур уобалаһыгар – 5,2 тыһ, Забайкальеҕа – 4,9 тыһ., Бурятияҕа – 3,3 тыһ киһинэн.

Үлэтэ суох буолуу Саха сиригэр от — атырдьах ыйдарыгар элбээбит (7,7%). Онуоха СӨ Ил Дархана үлэ ырыынагын бигэтитиигэ сорудаҕынан, эрэгийиэҥҥэ өйөбүл оҥоһуллубута. Бастатан туран, тиһиктээх үлэлээх тэрилтэлэргэ, дьоҕус уонна орто урбааҥҥа өйөбүллэр оҥоһуллубуттара. Ол түмүгэр, пандемия саҕаланыан иннинээҕи көрдөрүүттэн 0,4 %-нан үрдүгүн да иһин, өрөспүүбүлүкэҕэ үлэтэ суох буолуу уопсай ахсаана сыл бүтүүтүгэр  7,3 % намтаабыта бэлиэтэнэр.

Дьарыктаах буолуу бэлиитикэтигэр миэрэлэр ылыллыылара улахан тирэх буолбута бэлиэтэнэр. Нэһилиэнньэ дьарыктаах буолуутун сулууспатынан ыытыллыбыт тэрээһиннэр түмүктэринэн, былааннаммыт 21145 ахсааны ааһа көтөн, 22345 киһи хабыллыбыт. Үлэ ырыынагар ирдэнэр испиэлиистэри профессиональнай үөрэхтээһиҥҥэ  үлэтэ уонна дьарыга суох гражданнартан 2688 киһи үөрэммит. 2020 сылга барыта 17,9 тыһ. киһи үлэнэн хааччыллыбыт. Ол иһигэр, 7,6 тыһ. киһи бастайааннай үлэнэн, 10,3 тыһ. киһи быстах кэмнээх үлэнэн. Манна даҕатан, сыл ахсын бастайааннай үлэнэн хааччыллааччылар ахсааннара элбээн иһэрин бэлиэтиир тоҕоостоох. Маннык хабааннаах үлэ ыытыллыытын түмүгэ кэнники үс сылга көстөр.  Холобур, 2017 сыллаахха дьарыктаах буолуу сулууспатынан 28,1% граждан бастайааннай үлэлэммит буоллаҕына, 2020 сыл түмүгүнэн 42,4% тиийбит.

Пандемия төһө да харгыстаабытын иһин, өрөспүүбүлүкэ сиригэр-уотугар үлэлиир бырамыысыланнас тэрилтэлэрэ үлэһиттэрин ахсаанын тутуунан эрэ муҥурдамматылар. Кинилэр олохтоох нэһилиэнньэттэн үлэһиттэри ылыыларын көхтөөхтүк салгыыллар. 2020 сыл 11 ый түмүгүнэн, бастакы көрдөрүүлэринэн,  «Олохтоох каадырдары-бырамыысыланнаска» бырайыак чэрчитинэн 7014 киһи үлэнэн хааччыллыбыта бэлиэтэнэр. 2021 сылга  сүрүн соругунан өрөспүүбүлүкэҕэ үлэтэ суох буолуу ахсаанын 6,9% -ҥа диэри аччатыы турар. Ол туһуттан, гражданнары дьарыктаах оҥорууга, ити иһигэр саҥа үлэ миэстэтин тэрийиигэ туһуланар тэрээһиннэри олоххо киллэрэргэ биэдэмистибэлэр икки ардыларыгар хардарыта сибээстээх үлэ тэриллибитэ.

СӨ нэһилиэнньэ дьарыктаах буолуутугар судаарыстыбаннай кэмитиэт

+1
0
+1
0
+1
0
+1
0
+1
0
+1
0
+1
0