Маны аах Уопсастыба

Өрөспүүбүлүкэҕэ хааччахтыыр миэрэлэри төнүннэриэхтэрин сөп

Саха сиригэр сыстыганнаах дьаҥынан ыалдьыбыт киһи ахсаана күн-түүн элбээн иһэр. Кэлиҥҥи сууккаҕа  122 киһи ыалдьыбыта билиннэ.

Ыалдьыбыт дьон ахсаана ордук Дьокуускайга элбэх — 65 киһи.  Онон сибээстээн, бу күннэргэ  хааччахтыыр миэрэлэри төнүннэрэр толкуй баар. Бу туһунан  Ил Дархан Айсен Николаев эрэгийиэннээҕи суһал ыстаап мунньаҕар иһитиннэрдэ.  Ыалдьыбыт дьон ахсаана улуустарга эмиэ элбэх.  Ол курдук, ааспыт сууккаҕа 21 оройуоҥҥа сыстыганнаах дьаҥынан ыалдьыбыт дьон ахсаана бигэргэннэ.

Ил Дархан атырдьах ыйын 30 күнүгэр диэри санитарнай-эпидемиологическай хааччахтааһын миэрэлэрин тутуһуу туһунан  таһаарбыт ыйааҕын болдьоҕо түмүктэнэр. Бу күннэргэ сыстыганнаах дьаҥы бохсор эригийиэннээҕи суһал ыстаап  докумуону саҥардарга үлэлэһэр.

Мунньах кыттыылаахтара «киин куораттан өрөспүүбүлүкэ улуустарыгар уонна дойду эрэгийиэннэриттэн дьон уоппускаттан  төннүүлэрин кытта сыстыганнаах дьаҥыҥан сыстыы ыкса сибээстээх» диэн бэлиэтээтилэр.

Елена ПОТОЦКАЯ, «Саха сирэ» хаһыат, edersaas.ru

Хаартыска —  Андрей Сорокин, СИА.

0
0