СӨ Роспотребнадзор управлениета иһитиннэрэринэн, бу дьыл ыам ыйын 17 күнүнээҕи туругунан, Саха сиригэр Дьокуускай куоракка уонна 15 улууска барыта 828 киһи коронавирус дьаҥар хаптарбыта бэлиэтэнэр.
Дьокуускайга — 631, Алдаҥҥа — 55, Ленскэйгэ — 49, ол иһигэр, 43 түбэлтэ Чайыҥдатааҕы ньиэп-гаас баайдаах сиргэ, Сунтаарга — 24, Нерюнгрига — 21, Хаҥаласка — 10, Өймөкөөҥҥө — 7, Мэҥэ Хаҥаласка — 7, Горнайга — 6, Намҥа — 5, Бүлүүгэ — 4, Мииринэйгэ — 4, ол иһигэр Чайыҥдатааҕы ньиэп-гаас баайдаах сиргэ — 1, Усуйаанаҕа — 2, Кэбээйигэ — 1, Өлүөхүмэҕэ — 1, Үөһээ Бүлүүгэ — 1. Бу туһунан sakha.gov.ru суруллар.
Бүгүҥҥү чахчынан, биир сууккаҕа 43 киһи коронавирус дьаҥар хаптарбыта бэлиэтэнэр. Мантан Дьокуускайга — 40, Намҥа, Сунтаарга уонна Үөһээ Бүлүүгэ биирдии.
Ыалдьыбыттартан 86% — улахан дьон, 14% — оҕолор.
Дьаҥ бастаан коронавирус турбут дойдуларыттан уонна РФ эрэгийиэннэриттэн аҕалыллыбыт буоллаҕына, кэнники нэдиэлэлэргэ бу ыарыы бэйэбит испитигэр, аймахтар, ыаллар, кэллиэгэлэр уонна ыалдьыбыт дьоннуун хантаактаспыттар истэриттэн тарҕанна.
Коронавирус дьаҥар хаптарбыт 828 киһиттэн 262 киһи үтүөрдэ, 5 киһи тыына быһынна.
Уопсайынан тымныйан ыалдьыбыттар — 3850 киһи хонтуруолга ылыллыбытыттан, 14 күннээх кэтээн көрүүгэ ыарыы сибикитэ биллибэтэҕинэн уонна анаалыстарын түмүгэ үчүгэй буолбутунан, 3167 киһи мэдиссиинэ кэтэбилиттэн таһаарылынна. Онон, бүгүҥҥү күн туругунан, 683 хантаактаах киһи хонтуруолга тутуллар. 162 киһи — обсерваторга, 521 — бэйэни хааччахтанан олорууга бааллар.
Өрөспүүбүлүкэҕэ Роспотребнадзор уонна Доруобуйа харыстабылын министиэристибэтин лабораторияларынан, коронавирус дьаҥын бэрэбиэркэлээн 70-тан тахса тыһыынча чинчийии оҥоһулунна. Кэнники сууккаҕа — 2287 анаалыс оҥоһулунна. 62 тыһыынчаттан тахса киһи бэрэбиэркэлэннэ.
Ыам ыйын 16 күнүгэр, СӨ Роспотребнадзор санитарнай-карантиннай пуунунан 9 авиарейсынан уонна 2 тимир суолунан айаннаан кэлбит дьоҥҥо бэрэбиэркэлэр ыытылыннылар.
Ыам ыйын 3-16 күннэригэр, РФ атын эрэгийиэннэриттэн кэлбит гражданнарга олорор сирдэринэн бэйэлэрин хааччахтаналларыгар 3542 уураах туттарылынна, ол иһигэр бу кэнники хонукка — 469.
Өрөспүүбүлүкэ обсерватордарыгар барыта 539 киһи сытар.
Өрөспүүбүлүкэ ытыктабыллаах олохтоохторо!
СӨ Роспотребнадзор управлениета бэйэни хааччахтанан олоруу эрэсиимин тутуһаргытыгар көрдөһөр.
Хантаактаргытын аҕыйатыҥ:
— аймахтаргытыгар, доҕотторгутугар сылдьаргытыттан туттунуҥ, дьиэҕитигэр эмиэ ыҥырымаҥ;
— хампаанньанан сылдьаргытыттан аккаастаныҥ, күүлэйдээмэҥ, айылҕаҕа сынньана тахсымаҥ;
— кутталлаах бөлөххө баар дьону харыстааҥ (дьарҕарбыт ыарыылаах, 60-тан үөһээ саастаах дьону);
— аймахтаргытын, чугас дьоҥҥутун, доҕотторгутун, ордук кырдьаҕастаргытын кытары аныгы үйэ сибээһинэн ыраахтан олорон билсиҥ, кэпсэтиҥ.
Тымныйан ыалдьыбыккытын биллигит даҕаны, тута, дьиэҕитигэр бырааһы ыҥырыҥ. Бэйэҕитин уонна чугас дьоҥҥутун харыстааҥ! Доруобай, чэгиэн буолуҥ!
sakha.gov.ru ылылынна.
Бэчээккэ бэлэмнээтэ Сардаана Баснаева, «Саха сирэ» хаһыат, edersaas.ru