Быйыл өрөспүүбүлүкэҕэ Ил Дархан ыйааҕынан Чэбдигирии сыла биллэриллибитэ. Айсен Николаев бүгүн инстаграм сирэйигэр «О стратегических направлениях укрепления общественного здоровья и развития системы здравоохранения в Республике Саха (Якутия)» диэн ыйаахха илии баттаабытын туһунан иһитиннэрдэ.
Ил Дархан олунньу түмүктэрин таһаарарыгар, өрөспүүбүлүкэ доруобуйатын харыстабылыгар улахан, сорох өттүгэр төрдүттэн уларытыылар киириэхтээхтэр диэн этэн турар.
Онон саҥа тахсыбыт ыйаахха сурулларынан, өрөспүүбүлүкэҕэ Доруобуйа уон сыла биллэрилиннэ.
Доруобуйа харыстабылын сайыннарыы иитинэн, нэһилиэнньэ 2022 сылтан саҕалаан мэдиссиинискэй көмөнөн бары хааччыллыахтаахтар. Маны таһынан 2022 сылгп 50 куойкалаах паллиативнай көмө киинэ, 2024 сылга 245 миэстэлээх өрөспүүбүлүкэтээҕи клинической инфекционнай балыыһа, 30 куойкалаах кырдьаҕас дьоҥҥо хоспис уонна да атын эбийиэктэр тутуллуохтара.
Ыйаах туһунан сиһилии манна киирэн көрүҥ: https://glava.sakha.gov.ru/npa/front/view/id/97
Хаартыска: www.instagram.com/nikolaev_aisen