Өрөспүүбүлүкэҕэ быһыыны ылыы былаана 68% туолла

Ааптар: 
Бөлөххө киир:

Бүгүн өрөспүүбүлүкэтээҕи суһал ыстаап мунньаҕар иһитиннэрбиттэринэн, быһыыны ылыыга былаан 68% туолла.

Ил Дархан Айсен Николаев бэлиэтээбитинэн, вакцина туруоруутугар мөлтөх көрдөрүүлээхтэринэн Амма, Булуҥ, Үөһээ Бүлүү, Мэҥэ Хаҥалас, Мииринэй, Нам, Нерюнгри, Ньурба, Сунтаар, Таатта, Уус Алдан, Усуйаана, Чурапчы улуустара буолаллар.  «Сыстыганнаах дьаҥ тыҥааһыннаах балаһыанньатыттан босхолонуу быһыыны элбэх киһи ыларыттан тутулуктаах», — диэн этэ туран, өрөспүүбүлүкэ Аҕа баһылыга Айсен Николаев улуустар баһылыктарыгар атырдьах ыйын 15 күнүгэр диэри улахан дьон 70%-гар быһыыны оҥорорго сорудахтаата.

Маны таһынан, саҥа үөрэх дьыла саҕаланыытыгар улуустар муниципалитеттарын дьаһалталарын салайааччылара уонна нэһилиэктэр баһылыктара оскуолалары үөрэххэ бэлэмнээһини тус бэйэлэрэ хонтуруоллуулларыгар соруйда.

«Бары оскуолаларга санитарнай ирдэбили кытаанахтык тутуһуу тэрээһиннээхтик ыытыллыахтаах”, — диэн санаатын тиэртэ Ил Дархан Айсен Николаев.

Елена ПОТОЦКАЯ, “Саха сирэ” хаһыат, edersaas.ru

Хаартыска — life.ru

+1
0
+1
0
+1
0
+1
0
+1
0
+1
0
+1
0