СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрэринэн, Саха сирин 9 улууһугар (Ньурбаҕа — 3, Сунтаарга – 4, Уус Алдаҥҥа – 1, Бүлүүгэ – 1, Мэҥэ Хаҥаласка – 1, Үөһээ Бүлүүгэ – 2, Ленскэйгэ – 2, Уус Маайаҕа – 1, Хаҥаласка — 1) 1150,9 га иэннээх 16 ойуур баһаарын умуруораллар.
Итинтэн Ленскэй, Уус Алдан, Мэҥэ Хаҥалас улуустарыгар биирдии баһаары бохсорбуттар.
Баһаарга 1209 киһи (Авиалесоохрана тэрилтэтиттэн 257 киһи, Якутлесресурс тэрилтэттэн уонна ойуур хаһаайыстыбатын үлэһиттэриттэн 132 киһи, ЫБММ-тан 30 киһи, олохтоох нэһилиэнньэттэн 790 киһи уонна 141 тиэхиньикэ сыһыарылынна.
Ааспыт сууккаҕа:
— 35,1 га иэннээх 6 ойуур баһаарын булбуттар, онно билигин баһаары умуруорууга үлэ барар;
— Хонтуруолланар зонаҕа (удаленная территория) биир даҕаны ойуур баһаара бэлиэтэммэтэх;
— баһаары умулларыыга үлэ барбыт сириттэн 1,9 га иэнээх 2 баһаары умуруорбуттар;
— Эрдэ ыксаллаах нэһилиэнньэлээх пууннарга уонна экэниэмикэ эбийиэктэригэр кутталы суоһаабатынан тохтотон эрэргэ быһаарбыт сирдэригэр ардах түһэн, 19,0 га иэнээх сиргэ 3 ойуур баһаара тохтоото.
СӨ “Авиалесоохрана” тэрилтэ сайаапкатынан авиация үлэтин былаана:
19 салгын суудуната (18 улууска уонна Дьокуускай куорат уокуругар ойууру көрөргө 15 сөмөлүөт; ойуур баһаарын үлэтигэр, дьону тиэрдиигэ, ойуур баһаардарынан бөлөхтөрү илдьиигэ, уматыгы, аһылыгы тиэрдиигэ — 4 бөртөлүөт).
Рослесхоз систиэмэтэ 58 465,0 га иэннээх 60 термическэй аномалияны хонтуруолга тутар.
Сэттэ улууска (Өймөкөөҥҥө, Сунтаарга, Тааттаҕа, Ньурбаҕа, Үөһээ Бүлүүгэ, Мэҥэ Хаҥаласка, Муомаҕа) баһаары утары эрэсиим биллэрилиннэ, ону тэҥэ, СӨ бары территориятыгар.
2021 сыл бэс ыйын 1 күнүттэн Сунтаар улууһун Түбэй нэһилиэгэр, бэс ыйын 4 күнүттэн Ньурба улууһун территориятыгар ыксаллаах быһыы-майгы эрэсиимэ биллэриллибитэ.
Хаартыск: https://ysia.ru/v-yakutii-lokalizovano-pyat-lesnyh-pozharov/