![](https://edersaas.ru/wp-content/uploads/2021/04/vaktsina.jpg)
Бүгүн, муус устар 19 күнүгэр, коронавирус дьаҥар 75 киһи сутуллубутун туһунан СӨ Роспотребнадзор салайааччытын солбуйааччы Изабелла Юрьевна Самойлова быһа сибээскэ тахсан, уопсай балаһыанньаны билиһиннэрдэ. Мантан 48 киһи Дьокуускайга ыалдьыбыт.
Дьаҥ тарҕаныытын төрүөтүнэн уопсастыбаннай сиргэ мааската суох сылдьыы, тэйиччи турууну тутуспат буолааһын. Ону сэргэ тас дойдуттан, ол иһигэр 10 тыһыынча кэриҥэ биир дойдулаахтарбыт Турция курдук дьаҥынан аан дойду үрдүгэр уустук балаһыанньалаах сиртэн кэлиилэрэ буолар. Манан сибээстээн өрөспүүбүлүкэҕэ маассабай тэрээһини тохтотуу туһунан иһитиннэрдилэр. Саха сиригэр дьаҥ таһыма үрдээбитинэн балыыһаларга куойка ахсаана элбээбит. Уопсайа 90 тыһыынча киһи вакциналаммыт. Маассабай иммунитет үөскүүрүгэр киһи барыта вакцина ылыахтаах.
Ульяна Захарова.edersaas.ru