Бүгүн, алтынньы 1 күнүгэр, СӨ Бырабыыталыстыбатын Бэрэссэдээтэлин солбуйааччы Ольга Балабкина быһа биэриигэ уопсай балаһыанньаны билиһиннэрдэ.
Бүгүҥҥү туругунан, өрөспүүбүлүкэ үрдүнэн 87 киһи коронавирус дьаҥар хаптарбыт. Онтон 48 киһи Дьокуускайга, Алдаҥҥа — 7, Мэҥэ Хаҥаласка — 7, Мииринэйгэ — 6, Аммаҕа, Өймөкөөҥҥө түөртүү киһи, Намҥа, Сунтаарга, Нерюнгрига үстүү уонна Уус Алдаҥҥа икки киһи ыалдьыбыт.
Коронавирус дьаҥа салгыы тарҕамматын туһугар, Ил Дархан алтынньы 30 күнүгэр диэри хааччахтааһын миэрэлэрин уһаппытын эттэ. Ол курдук, маассабай тэрээһиннэр ыытыллыбаттарын, саҥа ыйааҕы кэһии иһин эппиэтинэскэ тардыллыахха сөбүн иһитиннэрдэ. Бары санитарнай ирдэбили тутуһуу булгуччулааҕын ыйда.
Ульяна Захарова.
+1
+1
+1
+1
+1
+1
+1