Уопсастыба

Өрөспүүбүлүкэҕэ 217 киһи коронавирустаата

Бүгүн, сэтинньи 27 күнүгэр, Бырабыыталыстыба бэрэссэдээтэлин солбуйааччы Ольга Балабкина быһа биэриигэ тахсан уопсай балаһыанньаны билиһиннэрдэ.

Ол курдук, бүтэһик сууккаҕа 217 киһи өрөспүүбүлүкэҕэ коронавирус дьаҥар  сутуллубут. Онтон 116 киһи Дьокуускай куоракка олорор. 48 киһи дьаҥ сибикитэ суох ыарыыны тарҕатааччынан буолаллара быһаарыллыбыт. Чурапчыга уонна Мэҥэ Хаҥалас улуустарыгар дьиэ кэргэнинэн ыалдьыы элбээбит.  Бүтэһик сууккаҕа бу дьаҥтан түөрт киһи тыына быстыбыт.

Ольга Валерьевна олохтоохтор анаалыс оҥоруутун бытаан диэн үҥсэллэрэ аччаабытын бэлиэтиир. Сууккаҕа 4225 анаалыс оҥоһуллубут.

Ульяна Захарова.

0
0
Telegram @edersaas20

Добавить комментарий