Маны аах Тыа хаһаайыстыбата

Өрөспүүбүлүкэҕэ 184 мобильнай биригээдэ оттуур

СӨ Бырабыыталыстыбатын бэрэссэдээтэлин солбуйааччы Михаил Никифоров брифиҥҥэ иһитиннэрбитинэн, өрөспүүбүлүкэ оттооһуҥҥа 443 880 туонна былааныттан 286 792 туоннаны оттообут. Бу былаан — 60%-а.

Итини таһынан 30 184 сиилэс уонна 12 994 туонна сенаж бэлэмнэниллиэхтээх. Бу хайысхаларынан үлэ барар.

Вице-премьер бэлиэтииринэн, өрөспүүбүлүкэ сорох оройуоннарыгар оту бэлэмнээһиҥҥэ кэккэ ыарахаттар үөскээбиттэр. Дьааҥыга 25%, Кэбээйигэ 27%, Өлүөхүмэҕэ 48%, Бүлүүгэ 49%, Горнайга 57% былаантан хаалан иһэллэр.

Өрөспүүбүлүкэ үрдүнэн оту бэлэмнээһиҥҥэ 29 тыһыынча киһи 8 711 звенонан, 10 тыһыынчаттан тахса тыраахтар үлэлиир.

Оройуоннартан Тыа хаһаайыстыбатын министиэристибэтигэр 21 сайаапка мобильнай биригээдэни тэрийэргэ киирбит. Билигин Саха сирин үрдүнэн 184 биригээдэ үлэлиир. Кинилэр былааннара — 48 919 туонна. Бу сыалларга СӨ Бырабыыталыстыбата 80 мөлүйүөн солкуобайы көрбүтэ.

Ил Дархан уонна Бырабыыталыстыба дьаһалтатын пресс-сулууспата.

0
0
Telegram Whatsapp