Сэтинньи 12 күнүнээҕи туругунан, ОРВИ уонна гириип ыарыыта элбээн, икки уһуйаан карантиҥҥа сабылыннылар. Ол курдук Үөһээ Бүлүүгэ уонна Сунтаарга биирдии уһуйаан диэн СӨ бырабыыталыстыбатын бэрэссэдээтэлин солбуйааччы Сергей Местников иһитиннэрдэ.
Кини иһитиннэрбитинэн, билигин 735 оҕо саада штатнай эрэсиисиминэн үлэлии олороллор. Коронавирус дьаҥа турбут нэһилиэнньэлээх пууннарыгар, социальнай тэрилтэлэргэ үлэлиир дьоҥҥо, ол иһигэр учууталларга, быраастарга, полицейскайдарга уо. д.а. 65 оҕо саадыгар дьуһуурунай бөлөхтөр аһылыннылар (Эдьигээҥҥэ – 4, Ньурбаҕа – 32, Тааттаҕа – 10, Уус Алдаҥҥа – 2, Үөһээ Бүлүүгэ — 12, Хаҥаласка – 1, Өлөөҥҥө – 4).
Каникул кэнниттэн 415 оскуола үлэтин саҕалаата.
Сергей Местников иһитиннэрбитинэн, өрөспүүбүлүкэҕэ олоҕурбут көрүҥүнэн (в очной форме) 149 оскуола, очнай-заочнай көрүҥүнэн – 141, дистанционнай көрүҥүнэн – 125 оскуола үлэлиир.
Сэтинньи 12 күнүттэн дистанционнай көрүҥҥэ Горнай улууһун Маҕараһын оскуолата, Сунтаар улууһун Тэҥкэ оскуолата очнай-заочнай көрүҥҥэ көстүлэр.
СӨ Ил Дарханын уонна Бырабыыталыстыбатын пресс-сулууспата
Хаартыска https://russv75.wixsite.com/