Өрөспүүбүлүкэҕэ 124593 киһи бастакы вакцинатын ылбыт. Бу туһунан СӨ Бырабыыталыстыба бэрэссэдээтэлин солбуйааччы Ольга Балабкина иһитиннэрдэ.
Ыам ыйын 18 күнүнээҕи туругунан, өрөспүүбүлүкэҕэ 143428 доза вакцина кэлбитэ бэлиэтэнэр. Бүгүн 18 тыһыынча доза партия аҕалыллыбыт. Вакцина Дьокуускай уонна Мэҥэ Хаҥалас улууһун поликлиникаларыгар суһаллык тиэрдиллэр, онтон кэлбиттэр өрөспүүбүлүкэ улуустарыгар ыытыллаллар.
Ольга Балабкина СӨ Ил Дархана Айсен Николаев Саха сирин олохтоохторугар туһаайан этиитигэр, өрөспүүбүлүкэ олохтоохторо саамай көдьүүстээҕинэн билиниллибит быһыыны көҥүл ылар кыахтаахтарын уонна күргүөмүнэн ылыыга бүттүүн көмүскэллээх буолууну бэлиэтээбитин санатта.
Билиҥҥи туругунан бастакы вакцинаны 124593 киһи ылбыт, ол иһигэр биир сууккаҕа — 3 тыһыынча киһи ылбыта бэлиэтэнэр. Ольга Балабкина коронавирус дьаҥын бохсорго вакцинация биир саамай көдьүүстээх ньыманан буоларын ыйар. Маны сэргэ, СӨ Ил Дархана муҥутуур бэлэмнээх буолуу эрэсиимин туһунан ыйааҕар этиллибит хааччахтыыр миэрэлэри булгуччу тутуһуу хайаан да наадатын бэлиэтиир.
Хаартыска: ria.ru ылылынна