Ааспыт сууккаҕа Саха сиригэр 12 ойуур баһаарын умуруордулар: Аммаҕа, Хаҥаласка, Эдьигээҥҥэ, Мииринэйгэ уонна Орто Халымаҕа. Итиэннэ Горнайга, Уус Майаҕа, Чурапчыга уонна Бүлүүгэ 4 ойуур баһаара бохсулунна. Бу туһунан Суһал ыстаап брифинигэр бүгүн Экология, айылҕаны туһаныы уонна тыа хаһаайыстыбатын миниистирин бастакы солбуйааччы Семен Яковлев иһитиннэрдэ.
«Билигин өрөспүүбүлүкэҕэ 57 ойуур баһаара хонтуруолланар зонаҕа баар. Барыта 436 киһи, 49 улахан тиэхиньикэ үлэлиир. Икки бөртөлүөт Уус Алдаҥҥа, Намҥа уонна Бүлүүгэ үлэлииллэр. Нэһилиэнньэлээх пууҥҥа кутталы үөскэтэр баһаар суох», — диэн Семен Яковлев этэр.
Ил Дархан уонна Бырабыыталыстыба дьһалататын пресс-сулууспата.
+1
+1
+1
+1
+1
+1
+1