Өрөспүүбүлүкэҕэ 12 ойуур баһаара баара бэлиэтэннэ

Ааптар: 
Бөлөххө киир:

Авиалесохрана суһал дааннайдарынан, Сунтаар, Ньурба, Дьааҥы уонна Томпо оройуоннарыгар барыта 12 ойуур баһаара баара бэлиэтэннэ. Уол ылбыт сирин иэнэ — 14 881 га. Суукка иһигэр 28 гектардаах аҕыс ойуур баһаара бохсулунна. Бу туһунан СӨ Ыксаллаах быһыыга-майгыга министиэриститэбин (ЫБММ) пресс-сулууспата иһитиннэрэр.

Уоту умуруорууга 235 киһи, 14 тиэхиньикэ үлэлиир. Суукка иһигэр 57 киһилээх 12 ботурууллуур-хонтуруоллуур бөлөх үлэлээтэ. Үлэ түмүгэр административнай кэһии туһунан биэс боротокуол толорулунна, итиэннэ 88 киһини кытта миэрэлэр туһунан кэпсэтии ыытылынна.

«Нэһилиэнньэлээх пуунтан 10 км тэйиччи сиргэ түөрт ойуур баһаара баар. Ньурба оройуонун баһаарын сүрүн управление хонтуруоллуур», — диэн СӨ ЫБММ сүрүн управлениетын начаалынньыга Павел Гарин иһитиннэрэр.

+1
0
+1
0
+1
0
+1
0
+1
0
+1
0
+1
0