Өрөспүүбүлүкэ мэдиссиинэҕэ тэрилтэлэрин тэриллэринэн хааччыйыы салҕанар.
Мэдиссиинэ бастакы сүһүөх зенотун саҥардыы бырагырааматынан, УЗИ 31 аппараатыттан 116 мөл.солк. 22 аппараат аҕалылынна. Онтон хаалбыта ый иһинэн кэлиэхтээх.
Аппарааттар Мэҥэ Хаҥалас, Хаҥалас, Абый, Алдан, Булуҥ, Бүлүү, Кэбээйи, Ленскэй, Мииринэй, Нам, Ньурба, Нерюнгри, Сунтаар, Томпо, Уус Алдан, Усуйаана оройуоннарын киин балыыһаларыгар ыытыллаллар.
Саҥа УЗИ-аппарааттар диагностикалыырга, чопчу диагноһы туруорарга, наада буолар түгэнигэр пациены эмкэ ыытарга көмөлөөхтөр.
Бырагыраама РФ Бэрэсидьиэнэ Владимир Путин сорудахтарын испииһэгин толорор соруктаах ыытыллар. 2020 сыллаахха Путин Федеральнай мунньахха туһаайан этиитигэр, дьон-сэргэ сотору-сотору ордук бастакы сүһүөх мэдиссиинэ-санитарнай көмөтүгэр наадыйалларынан, күүһү онно туһулууру тоһоҕолоон эппитэ.
Бастакы сүһүөх медико-санитарнай көмө кыаллымтыа буоларын хааччыйарга, саҥардан оҥорууга эрэгийиэн бырагырааматыгар тутууну ыытыыны, доруобуйа харыстабылын эбийиэктэригэр хапытаалынай өрөмүөнү уонна саҥалыы улартан оҥорууну, мэдиссиинэ тэриллэрин, пациеннарга мэдиссиинэ үлэһиттэрэ тиийэллэригэр уонна балыыһаҕа кинилэри аҕалалларыгар тырааныспардары ылыыны киллэрбиттэрэ. Доруобуйа харыстабылын бастакы сүһүөх зенотун саҥардан оҥоруу бырагырааматын иитинэн 2025 сылга диэри мэдиссиинэ тэрилтэлэрин өрөмүөннүүргэ уонна тутарга, массыыналары уонна тэриллэри атыылаһарга өрөспүүбүлүкэҕэ 12,9 млрд.солк. үп көрүллүө.
+1
+1
+1
+1
+1
+1
+1