Ил Дархан Айсен Николаев быһа эпиир нөҥүө Анал этиитин иһитиннэрдэ.
«Өрөспүүбүлүкэбит 100 сыллаах үбүлүөйүгэр бэлэмнэнии култуура эйгэтигэр улахан оруоллаах буолуоҕа. Ол курдук Таатта улууһун Томтор нэһилиэгэр Б.Ф.Неустроев — Мандар Уус бырайыагынан култуура киинэ тутуллуохтаах. Быйыл Моҕол Ураһа тутулунна. Хаандыгаҕа саҥа бибилэтиэкэ, Дьокуускайга Гагарин аатынан аныгылыы култуура киинэ, Сунтаарга Кыыл Уолун аатынан норуот уус-уран айар дьиэтэ тутулуннулар. Ахсынньы 29 күнүгэр Ходулов аатынан киин Майаҕа аһыллыаҕа.
Бүлүүгэ култуура дыбарыаһа, Эдьигээҥҥэ этническэй киин, Зырянкаҕа успуорт уонна култуура киинэ арыллыахтара. Ону таһынан Таатта Чөркөөҕөр, Үөһээ Бүлүү Харбалааҕар, Намҥа култуура кииннэрэ тутуллуохтара. Бу кииннэргэ өрөспүүбүлүкэбит чулуу дьонун Платон Ойуунускай, Исидор Бараъов уонна Максим Аммосов ааттарыан иҥэриэхтэрэ. Култуура эйгэтигэр сахабыт киинэлэрэ улахан олугу уурдулар, Никита Аржаков «Тыгын Дархан», Дмитрий Давыдов «Пугало» киинэтэ ситиһиилэннилэр. Култуура сайдыыта уопсастыба үрдүк таһымҥа ткхсарыгар улахан көмөлөөх», — диэн эттэ.
Ульяна Захарова, edersaas.ru