«Өрөспүүбүлүкэ 100 сыллаах былаанын» быһаарыыга нэһилиэнньэ көхтөөхтүк кытынна

Эһиил Саха АССР төрүттэммитэ 100 сылын бэлиэтиэхпит иннинэ Саха сирин 100 сыллаах сайдыытын түстүүр былааҥҥа  этиилэри бэлэмнээтилэр.

Саҥа идиэйэлэри, бырайыактары толкуйдааһыҥҥа  өрөспүүбүлүкэ  улуустара, нэһилиэктэрэ  көхтөөхтүк кытыннылар.  «Өрөспүүбүлүкэ  100 сыллаах былаана» Саха сирин хас биирдии олохтооҕо  төрөөбүт сириттэн-уотуттан саҕалаан  өрөспүүбүлүкэтин инники сайдыытын түстүүргэ кыттыыны ыларга  аналлаах бырайыагынан буолар. Бу уопсастыба көҕүлээһинэ.  Бырайыагы көҕүлээччилэр, тэрийээччилэр улуустарга сылдьан, олохтоохтору кытта көрсөн, санааларын истибиттэрэ махталлаах дьыала», — диэн  Ил Дархан Айсен Николаев бүгүн пресс-кэмпириэнсийэҕэ иһитиннэрдэ.

Үтүө тэрээһиҥҥэ  Саха сириттэн тыһыынчаттан тахса киһи кытынна уонна бары салааҕа 130-ча бырайыак киирдэ. Билигин бырайыак бастакы түһүмэҕэ түмүктэннэ. Саха АССР 100  сыллаах үбүлүөйүгэр былааны уопсастыбаннаска билиһиннэриэхтэрэ.