Айылҕа харыстабыла Нацбырайыактар

Өрүс кытылын ыраастаатылар

«Экология» национальнай бырайыак чэрчитинэн, Өлүөхүмэ улууһугар Бүтүн Арассыыйатааҕы «Арассыыйа уулара» диэн уу эбийиэктэрин ыраастааһын аахсыйата саҕаланна.

Аахсыйа бастакы күнүгэр Өлүөнэ өрүс кытылын уонна чугастааҕы күөллэри ыраастааһыҥҥа 300 волонтер уонна үлэ кэлэктииптэрэ кытыннылар.

Ити иһигэр улуус уонна Өлүөхүмэ куорат дьаһалталарын, Өлүөхүмэтээҕи техникум, Кииннэммит библиотека, детсаадтар, өрүс пуордун кэлэктииптэрэ итиэннэ «Биир ньыгыл Арассыыйа» политическай баартыйа чилиэннэрэ, оройуоннааҕы сэбиэт дьокутааттара, Абаҕа, Хоро олохтоохторо үлэлээтилэр.


Биэс километр усталаах кытылы ыраастаатылар, 100 куул бөҕү-саҕы хомуйан тиэйдилэр диэн биһиги общкорбут иһитиннэрэр.

Раиса Сибирякова.

0
0