Ахсынньы 23 күнүгэр Дьокуускайга национальнай художественнай мусуойга «Өрө көтөн тахсыҥ, кыталыктар» диэн быыстапка арыллыаҕа.
edersaas.ru
Быыстапка сүнньүнэн орнитолог Сергей Михайлович Слепцов түһэрбит хаартыскаларыттан турар. Кини 30 сыл устата «Кыталык» национальнай паарка харыстыыр зонатыгар чинчийиини ыыппыт, ол сылдьан дьикти бэйэлээх көтөрдөрү хаартыскаҕа түһэриинэн дьарыктаммыт.
Сергей Михайлович — аан дойду орнитологическай бырайыактарын кыттыылааҕа. Кини 1990-с сыллар саҥаларыгар орнитолог Ю.В. Лабутин эспэдииссийэтин кытта кыталыктарга передатчиктары иилиигэ кыттыспыта биллэр.
Ону таһынан бу быыстапкаҕа мусуойга мунньуллубут үлэлэртэн кыталыкка сыһыаннаах сүүмэрдэммит хартыыналары көрүөхпүт.
Быыстапка «Кыталык» национальнай пааркатын аһыллыытыгар ананар.
Хаартыска Сергей Слепцов түһэриитэ
«Саха сирэ» хаһыат, edersaas.ru