Маны аах Уопсастыба

«Үрүҥ көмүс» волонтер Мария Емельянова «Азия оҕолоругар» үлэлиир

Бүгүн Владивостокка «Фетисов Арена» спорткомплекска «Азия оҕолоро» Норуоттар икки ардыларынааҕы сайыҥҥы спортивнай күрэхтэһиилэри аһыы сиэрэ-туома буолар.

Манна дойду араас куораттарыттан үгүс элбэх волонтер кэлэн үлэлии сылдьар. Кинилэр истэригэр Саха сириттэн соҕотох үрүҥ көмүс волонтер, СӨ Уопсастыбаннай палаататын чилиэнэ, СӨ Саллааттар ийэлэрин кэмитиэтин салайааччыта Мария Емельянова баар.

Мария Егоровна 2015 сылтан «үрүҥ көмүс волонтердуур». Кини Сахалиҥҥа «Азия оҕолоро» кыһыҥҥы оонньууларга  тиийэн үлэлээбитэ.

Бу күннэргэ Мария Емельянова Уссурийскайтан саха уолаттарын Украинаҕа атааран баран, үргүлдьү Вдадивостокка тиийбит.

Онон Мария Егоровна үрүһээгин хомуйда да, айаҥҥа туруммута эрэ баар!

Регистрацияны саас эрдэ ааспытым. Бастаан утаа «серебрянайдары» ылбаттар диэн буолбута, онтон көҥүллээбиттэр. Саха сириттэн уопсайа 50 ыччат волонтердуу сылдьар.  Үксэ атташелар. Маны таһынан, 11-с корпуска олорор 350 волонтерга аһылык толуонун, иһэр уу тарҕатабын.

Атташе хамаанданы кытта күнү быһа тэбис-тэҥҥэ сылдьар.  Миигин «Армения атташета» диэн суруйбуттарыгар көрдөһөн, дьону көрсөр уонна олохтуур үлэҕэ киирбитим.

Волонтердар бары «Русскай островка» олоробут. Сарсыарда 7 ч. 30 мүн.  үлэлиибит.

Киһи тулуйбат куйааһа түһэн турар, — диэн кэпсиир Мария Егоровна.

Ити курдук, ис дууһатыттан уопсастыбаннай үлэ диэн баран, муннукка ытаабыт Мария Емельянова, сөрүүн салгыннаах дьиэҕэ холкутук олорбокко, аны улахан тэрээһиҥҥэ кытта сылдьара – барыбытыгар холобур.

 

Елена ПОТОЦКАЯ, «Саха сирэ» хаһыат.

Хаартыска — Мария Емельянова тиксэриитэ.

1
1
Telegram Whatsapp