Анаабыр улууһун Үрүҥ Хайа бөһүөлэгин орто оскуолатыгар үөрүүлээх быһыыга-майгыга «Точка роста” үөрэх киинэ арылынна. Бэлиэтээн эттэххэ, быйыл өрөспүүбүлүкэҕэ 111 маннык киин аһыллыбыт.
Киин сүрүн хайысхатынан естественнэй научнай-технологическай хайысхалаах. Бу туһунан оскуола дириэктэрэ Суруяна Неустроева санаатын үллэһиннэ:
— Бу үөрүүлээх түгэҥҥэ бэлэмнэнэн биһиги оскуолабытыгар физика, химия кылаастарыгар уонна иккис этээспит саалатыгар кыра өрөмүөн оҥорбуппут. Химия, физика биридимиэттэрин хайысхаларынан аһыллыбыт кииммит олох аныгылыы бары ирдэбилгэ эппиэттиир. Ол курдук учууталларбыт кэбиниэттэрин саҥа тэриллэрин оҕолорго, ыалдьыттарга билиһиннэрдилэр. Бу «Точка роста» киин аһыллан, биһиги оскуолабытыгар химия, физика уруоктарыгар эбии бырагыраамалар киириэхтэрэ. Оскуолабыт оҕолоро ситиһиилээх, киэҥ билиилээх дьон буола үүнэн тахсалларыгар олус туһалаах киин.
Ульяна ЗАХАРОВА, edersaas.ru