«Саха» национальнай көрдөрөр-иһитиннэрэр хампаанньа бүгүн, муус устар 1 күнүгэр, «Весна на НВК» диэн үтүө үгэскэ кубулуйбут аахсыйаны ыытар.
edersaas.ru
Хара сарсыардаттан быһа эфиринэн барар бырагыраама киэһэ 21-00 чааска нуучча дуобатыгар аан дойдутааҕы гроссмейстер, аан дойду уон биир төгүллээх чөмпүйүөнэ Гаврил Колесов уонна аан дойдутааҕы гроссмейстер, аан дойду алта төгүллээх чөмпүйүөнэ Сергей Белошеев оонньууларынан түмүктэниэҕэ.
Быйылгы бырааһынньыктааҕы тэрээһин биир уратытынан НКИХ дьиэтин таһыгар, Орджоникидзе уулуссатыгар, норуот күүлэйэ тэриллибитэ буолла. Манна саха эстрадатын сулустара куорат олохтоохторугар уонна ыалдьыттарыгар сандал саас эргиллибитинэн бэйэлэрин эҕэрдэлэрин тиэртилэр.
Роман Попов, «Саха сирэ» хаһыат
Ааптар хаартыскаҕа түһэриилэрэ.