Өрөспүүбүлүкэ суолларыгар көһө сылдьар ыйааһын пууннара тэриллиэхтэрэ

РФ бырабыыталыстыбатын  2011 сыллаах  муус устар 15 күнүнээҕи 272 №-дээх «Массыына тырааныспарынан  таһаҕаһы  тиэйии быраабылата” диэн ыйааҕын чэрчитинэн, өрөспүүбүлүкэ айан суолларын туругун харыстыыр сыаллаах,  көһө сылдьар ыйааһын пууннара туруоруллуохтара диэн СӨ тырааныспар уонна суол хаһаайыстыбатын министиэристибэтин пресс-сулууспата иһитиннэрэр.

Массыына ыйааһынын хонтуруоллуур көһө сылдьар пууннар  үлэлиир болдьохторо:

• Мэҥэ Хаҥалас улууһун Майа сэлиэнньэтин “Амма” айан суолугар ыам ыйын 15 күнүттэн атырдьах ыйын 26 күнүгэр диэри;
• Бүлүүлүүр федеральнай суол 524 килэмиэтиригэр ыам ыйын 15 күнүттэн сэтинньи   15 күнүгэр диэри;
• Дьокуускай куорат Намныыр суолугар ыам ыйын   15 күнүттэн  атырдьах ыйын 26 күнүгэр диэри;
• Хаҥалас улууһун “Умнас” массыына суолугар ыам ыйын 15 күнүттэн атырдьах ыйын 26 күнүгэр диэри;
• Өлүөхүмэ улууһун “Умнас” массыына суолугар ыам ыйын 15 күнүттэн бэс ыйын 16 күнүгэр диэри;
• Мииринэй оройуонун “Анаабыр” айан суолугар бэс ыйын 16 күнүттэн от ыйын 16 күнүгэр диэри;
• Ленскэй улууһун “Муухтуйа”  массыына  суолугар  ыам ыйын 15 күнүттэн сэтинньи 15 күнүгэр диэри.

Ньургуйаана Иванова, “Саха сирэ”  хаһыат, edersaas.ru

Хаартыска — интэриниэттэн.