Путин Уһук Илиҥҥэ чэпчэтиилээх ипотека бырагырааматын кэҥэтии боппуруоһун туһунан эттэ
Дойду Аҕа баһылыга Владимир Путин Илиҥҥи экэнэмиичэскэй форум пленарнай мунньаҕар, РФ бырабыыталыстыбатын кытары чугастааҕы кэмҥэ, Уһук Илиҥҥэ чэпчэтиилээх ипотеканы кэҥэтии туһунан боппуруоһу көрүөхтээхтэрин туһунан иһитиннэрдэ.
Путин бэлиэтээбитинэн: «Уһук Илиҥҥэ атын категориялар уонна атын да исписэлиистэр суоттарыгар чэпчэтиилээх ипотечнай кирэдьиити биэрии бырагырааматын кэҥэтэргэ этии баар».
Кини этэринэн, боппуруос чугастааҕы кэмҥэ көрүллүөҕэ. Судаарыстыба баһылыга итини сэргэ 2019 сылтан Уһук Илиҥҥэ эдэр ыалларга уонна саҥа дьиэни туттар дьоҥҥо 2 %- наах анал ипотечнай бырагыраамма үлэлиирин санатта. Уһук Илиҥҥэ 24 тыһ. дьиэ кэргэн чэпчэтиилээх ипотечнай кирэдьиит көмөтүнэн олорор дьиэлэрин боппуруоһун номнуо быһаардылар.
Бэрэсидьиэн 2024 сылга Уһук Илиҥҥэ олорор дьиэ кээмэйин тутуу 2019 сылы кытта тэҥнээтэххэ, 1,6 төгүл улаатыаҕын бэлиэтээн эттэ.
edersaas.ru
+1
+1
+1
+1
+1
+1
+1