Уһук Илин уокуругуттан киин куораттарга сөмөлүөтүнэн көтүүгэ чэпчэтиилээх билиэттэр көрүллэллэрин таһынан, туристическай кешбэк эмиэ баар.
РФ Бэрэсидьиэнэ Владимир Путин Уһук Илиҥҥи уокурукка күүлэйдии кэлэр дьоҥҥо туристическай кешбэк харчытын улаатыннарарга сорудахтаата.
Билигин баар бырагыраама чэрчитинэн, РФ эрэгийиэннэригэр икки күнтэн ордук сырыттахха, туристическай путевка сыанатыттан 20 %-нын кешбэк быһыытынан төннөр, ол 20 тыһыынча солк. улаатыа суохтаах диэн. Быйыл тохсунньуга Уһук Илини уонна Арктиканы сайыннарыыга миниистирэ Алексей Чекунков Ростуризм уонна Уһук Илини сайыннарыыга министиэристибэтэ Уһук Илиҥҥи уокурукка барыыга путевкаларга көрүллэр кешбэги улаатыннарыыны көрүөхтээхтэрин туһунан эппитэ. Ол лимиитэ Уһук Илиҥҥэ сынньана барааччыларга 40 тыһ. солк. диэри олохтонуохтаах диэн дойду Аҕа баһылыга эттэ.
ЫСПЫРААПКА
Сыл саҕаланыаҕыттан туристическай кешбэк бырагырааматынан 2,4 мөлүйүөн киһи туһанна.
edersaas.ru