Устудьуон күнүгэр, тохсунньу 25 күнүгэр, Арассыыйа араас куораттарыгар Putin Team (Путин хамаандата) уонна Владимир Путины бэрэсидьиэн быыбарыгар өйүүр устудьуоннар штабтара) “Лиидэр Кубога” диэн оонньууну ыытыахтара. Оонньуу үс хайысханан барыаҕа: сүрүн спорт, киберспорт уонна айар дьоҕур куонкуруһа.
«Саамай киэҥ хабааннаах тэрээһиннэр Москва, Санкт-Петербург, Волгоград, Саратов, Ярославль, Новосибирскай, Екатеринбург, Хабаровскай, Нижняй Новгород, Красноярскай, Пермь, Челябинскай, Ульяновскай уонна Краснодар куораттарга буолуоҕа. Кибер-футбол түмүктүүр түһүмэҕэ олунньу 8-10 күннэригэр Москваҕа ыытыллыаҕа.
Путин хамаандата этэринэн, Владимир Владимирович бэрэсидьиэҥҥэ турунуоҕуттан ыла, дойду устудьуоннара кинини өйөөн, штабтары тэрийбиттэр. Билигин оннук штаб Арассыыйа 40 регионугар үлэлиир. Устудьуоннарга араас акциялары, тэрээһиннэри, үөрэҕи тэрийэллэр.
Санатан эттэххэ, “Putin Team” диэн уопсастыбаннай хамсааһыны былырыын сэтинньи саҕаланыыта хоккеист Александр Овечкин (Национальнай хоккей лигатын «Вашингтон Кэпиталз» кулуубун хапытаана) тэрийбит. Кириэмилгэ Овечкин көҕүлээһинин өйөөбүттэр.
Николай Попов, edersaas.ru