РФ бэрэсидьиэнэ Владимир Путин улахан пресс-конференциятын кэмигэр Өлүөнэ өрүһү туоруур муоста бырайыага олоххо киириэн сөбүн туһунан иһитиннэрдэ. Бу туһунан “Сахамедиа” холдинг суруналыыһа Александр Ильин ыйытта.
“Хаһан баҕарар дойду историятыгар ураты, бэлиэ түгэн таҕыстаҕына ханнык эмэ түһүмэх түмүгүн быһыытынан сыаналыыбыт, ону сэргэ, ити сайдыыны кытары сибээстээх. Крым муостата Арассыыйаҕа ураты суолталаах. Биир өттүнэн, муоста тумул арыыны холбуур, иккис өттүнэн, бу – Арассыыйаҕа биир ураты бэлиэнэн буолла. Ол тэҥэ Өлүөнэ өрүһү туоруур муоста эмиэ сайдыыны, ураты бэлиэни кытары сибээстээх. Бу бырайыак туһунан хас эмэ сылы быһа кэпсэтэбит, элбэх үбү-харчыны ирдиир бырайыак. Ол иһин муоста тутуутун уопсай сууматын ааҕыахха наада. Ону сэргэ салгыы муоста ханна тиийэн бүтэрин (эбэтэр киин куоракка тиийэн бүтэн хааларын дуу), эрэгийиэн сайдыытын, инфраструктуратын барытын түмэн үөрэтиэххэ наада. Өскөтүн РФ тырааныспарын, экэниэмикэтин министиэристибэлэрин кытары сөптөөх кэпсэтии бардаҕына, муоста тутуллуон сөп”, — диэн иһитиннэрдэ Владимир Владимирович.
Аграфена КУЗЬМИНА, “Саха сирэ” хаһыат.