Путин гражданнары уонна биисинэһи өйүүр миэрэлэргэ илии баттаата

Ааптар: 
Бөлөххө киир:

Путин кириисиһи утары гражданнары уонна биисинэһи өйүүр миэрэлэргэ илии баттаата.

Бырабыыталыстыба киллэрбит миэрэлэрин дьоҕус уонна орто биисинэскэ, мэдиссиинэ табаардарын эргииригэр уонна оҥорон таһаарыыга, ону тэҥэ биэнсийэни индексациялааһыҥҥа уонна МРОТ уонна тиийинэн олоруу алын кээмэйин ааҕыыга уларыйыыларга туһаныахтара.

Бэрэсидьиэн Владимир Путин экэниэмикэ балаһыанньатын туруктаах оҥорор сыаллаах экэниэмикэ уонна социальнай эйгэҕэ өйөбүлү көрөр миэрэлэр сокуоннарыгар илии баттаата.

Докумуон Арассыыйа олохтоохторугар уонна биисинэскэ тас дойдулар хааччахтааһыннарын кэмигэр көмөнү оҥоруу миэрэлэрин көрөр. Миэрэлэр биэнсийэ эйгэтин таарыйыахтара: бырабыыталыстыба страховой биэнсийэни эбии индексациялааһыны, биэнсийэ коэффициенин уонна биэнсийэҕэ эбии төлөөһүнү ыытар кыахтаах. Тиийинэн олоруу алын кээмэйин бэрээдэгэ уонна хамнас төлөбүрүн алын кээмэйин олохтооһун бэрээдэгэ уларыйыаҕа.

Гражданнар уонна дьоҕус уонна орто биисинэс бэрэстэбиитэллэрэ 2022 сыл кулун тутар 1 күнүгэр диэри кирэдьиит дуогабарын түһэрсибит буоллахтарына, кирэдьииккэ каникулы (уһатыы) ылыахтара. Уһатар туһунан кинилэр кирэдьиитинэн хааччыйааччыттан балаҕан ыйын 30 күнүгэр диэри көрдөһүөхтэрин сөп.

Дьоҕус уонна орто биисинэһи өйөөһүн чэрчитинэн 2022 сыл ахсынньы 31 күнүгэр диэри маннык тэрилтэлэргэ бэрэбиэркэ буолбат. “Иһитиннэрэр технологиялар эйгэлэригэр үлэлэрин ыытар судаарыстыбаннай аккредитациялаах тэрилтэлэргэ” сыһыаннаах бэрэбиэркэлэр 2024 сыл бүтүөр диэри эмиэ ыытыллыбаттар.

Эми-тому, мэдиссиинэ оҥоһуктарын  оҥорон таһаарыыга уонна атыылаһыыга эмиэ кэккэ миэрэлэр сыһыаннаахтар. Бырабыыталыстыба “Арассыыйа Федерациятыгар сыһыаннаах экэниэмикэҕэ сыһыаннаах хааччахтыыр миэрэлэри киллэрэр туһунан быһаарыы ылыммыт” дойдулартан киллэриллибит мэдиссиинэ оҥоһуктарын Арассыыйаттан таһаарыыга хааччахтааһыннары олохтуур туһунан быһаарыныыны ылыныан сөп.

Мэдиссиинэ препараттарын уонна оҥоһуктарын атыылаһыы судургутуйуоҕа.

Дойду сиригэр-уотугар Арассыыйаҕа аналога суох мэдиссиинэ табаардарын оҥорон таһаарыыны сайыннарарга бырабыыталыстыба эмп-том сириэстибэлэрин оҥорон таһаарыыны уонна мэдиссиинэ оҥоһуктарын хааччыйыыга “фармацевтика үлэтин лицензиялааһын уратыларын”  олохтуон сөп. Онон балары соҕотох поставщиктан атыылаһыахха сөп, ол эрээри ити Арассыыйаны утары хааччахтааһыннары олохтообут дойдулартан буолуо суохтаах.

РБК Pro ааҕыҥ

Хаартыска: kremlin.ru

РБК сиһилии:

https://www.rbc.ru/economics/08/03/2022/62275ba59a794709168c5fa4

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0