Путин биэнсийэлээхтэргэ 10 000 солкуобай кээмэйдээх биир кэмнээх төлөбүр туһунан ыйаахха илии баттаата

Дойду бэрэсидьиэнэ Владимир Путин биэнсийэлээхтэргэ 10 000 солкуобай кээмэйдээх биир кэмнээх төлөбүр туһунан ыйаахха илии баттаата диэн Кремль саайта иһитиннэрэр.

Биэнсийэлээхтэргэ 10 тыһыынча солкуобай кээмэйдээх биир кэмнээх төлөбүр бу сыл балаҕан ыйыгар бэриллиэҕэ. Төлөбүрү ылааччылартан тустаах сайабылыанньа ирдэммэт. Маныаха икки биэнсийэни ылар гражданнар, ол иһигэр биирин РФ Биэнсийэтин пуондатыттан ылааччыларга төлөбүр РФ Биэнсийэҕэ пуондатын территориальнай уорганнарыттан төлөнүөҕэ. Бу биир кэмнээх төлөбүр биэнсийэ атын көрүҥүн кытта тэҥҥэ тиийиэҕэ диэн иһитиннэриигэ суруллубут.

Кремль саайта суруйарынан, маннык төлөбүр өссө байыаннай сулууспаны ааспыт, ис дьыала уорганнарыгар, Баһаары утары судаарыстыбаннай сулууспаҕа, наркотик эргиирин хонтуруоллуур уорганнарга, холуобунай-ситэриилээх систиэмэ уорганнарыгар уонна тэрилтэлэригэр, национальнай гвардияҕа, күһэлэҥ толоруу уорганнарыгар сулууспалаабыт биэнсийэлээхтэргэ эмиэ бэриллиэҕэ.

Ыйаахтары кытта сиһилии манна билсиҥ: 

http://kremlin.ru/events/president/news/66440

http://kremlin.ru/events/president/news/66439