Путин Алдаҥҥа «Килбиэннээх үлэ куората» ааты иҥэрэр ыйаахха илии баттаата

Ааптар: 
Бөлөххө киир:

Бэҕэһээ, балаҕан ыйын 10 күнүгэр, дойду бэрэсидьиэнэ Владимир Путин Арассыыйа 12 куоратыгар «Килбиэннээх үлэ куората» бочуоттаах ааты иҥэрэр туһунан ыйаахха илии баттаата. Бу туһунан Кремль пресс-сулууспата иһитиннэрэр.

«Аҕа дойду Улуу сэриитигэр Кыайыыга олохтоохтор сүҥкэн кылааттарын, байыаннай уонна гражданскай бородууксуйанан быыстала суох хааччыйбыттарын, маныаха дьоруойдуу үлэни маассабайдык ыытыыларын иһин Алдан, Бологое, Воркута, Дзержинск, Кемерово, Кострома, Лысьва, Мончегорск, Оха, Ступино, Сызрань уонна Чита куораттарга «Килбиэннээх үлэ куората» диэн РФ бочуоттаах аатын иҥэрэргэ», — диэн иһитиннэриигэ суруллубут.

Санатан суруйдахха, Алдан бу бочуоттаах аакка тиксэрин иһин үтүө көҕүлээһини 92 тыһыынча киһи өйөөбүтэ.

+1
0
+1
0
+1
0
+1
0
+1
0
+1
0
+1
0