Путин Африканович көрдөһүүтүн өйөөтө

Бөлөххө киир:

Сунтаар улууһун «Кириэстээх» кэпэрэтиибин ыанньыксыта  Владимир Африканович Михайловка  бэс ыйын  12 күнүгэр дойду Аҕа баһылыга  Владимир Путин «РФ Үлэ Дьоруойа»  мэтээли туттарбыта.  Наҕараадалары туттарыы кэнниттэн  Владимир Африканович Владимир Путинтан дойдутугар саҥа култуура дьиэтин тутуу туһунан көрдөспүтэ.

Бэҕэһээ Петербурдааҕы  норуоттар икки ардыларынааҕы экэнэмиичэскэй пуорум пленарнай мунньаҕын кэмигэр Владимир Путин:

Үлэ Дьоруойа мэтээллэринэн наҕараадалааһын кэмигэр Саха сириттэн Владимир Михайлов  дойдутугар Култуура дьиэтин туттарыы туһунан көрдөспүтэ. Ол көрдөһүүтүн биһиги хайаан да толоруохпут, — диэн туран, тыа сиригэр үлэлиир, дойдуну аһынан-үөлүнэн хааччыйан олорор  дьон хайаан да үчүгэй усулуобуйаҕа олоруохтаахтар диэн эбэн эттэ.

Дойду Аҕа баһылыга иһитиннэрбитинэн, чугастааҕы  икки сылга тыа сиригэр  култуура кииннэрин тутууга 6 млрд солк көрөр былааннаахтар.

Пуорумҥа Владимир Путин тыл этиитин кэннэ, Владимир Африканович:  «Дойду баһылыга  Владимир Владимирович Путин мин сэмэй үлэбин итиэннэ биһиги дьоҕус хаһаайыстыбабытын  сыаналаабытынан олус долгуйан сылдьабын. Биһиги кэлэктииппит  дойду сайдыытыгар уонна аһынан-үөлүнэн хааччыйыыга өрүү үлэлэһиэхпит«, — диэн эттэ.

+1
0
+1
0
+1
0
+1
0
+1
0
+1
0
+1
0