“Пути великих свершений” бырайыак Камчаткаҕа

Бөлөххө киир:

“Пути великих свершений” бырайыак Камчаткаҕа тиийэн историческай документальнай киинэ устуутун саҕалаата. Бу киинэ айанньыт, офицер, капитан-командор, Камчаткатааҕы экспедицияны тэрийээччи Витус Бериҥҥа ананыахтаах.

Санатан эттэххэ, “Пути великих свершений” бырайыак бу иннинэ “Дойти до края. Сибирский континент” диэн Семен Дежнев Сибиир сирин-уотун арыйыытын туһунан историческай, документальнай киинэни устан, өрөспүүбүлүкэ 100 сылыгар бэлэх ууммута. Бу киинэ муус устарга тахсан билигин номнуо Арассыыйа таһымыгар тарҕанна. Илиҥҥи экономическай форумҥа Владивосток куорат көрөөччүлэригэр сүрэхтэммитэ. Алтынньыга Екатеринбурга буолуохтаах “Арассыыйа” диэн документальнай киинэлэр 33-с фестивалларыгар кыттыахтаах.

Документальнай киинэни “Моя планета” ВГТРК ханаала устар. Бырайыак ааптара Ил Дархан сүбэһитэ Георгий Никонов бэлиэтээн эппитинэн, бу маннык киинэлэр биир тиһик буолан тахсыахтаахтар.

Киинэ устар бөлөҕү миэстэтигэр Камчаткатааҕы суруйааччылар сойуустарын бэрэссэдээтэлэ Александр Смышляев иилээн-саҕалаан илдьэ сылдьар. Устууга эрэгийиэн кыраайы үөрэтэр музейын дириэктэрэ Максим Соболевскай сүбэ-ама буолар. Ону таһынан историктар Сергей Вахрин, Михаил Жилин көмөлөһөллөр.

Бүгүн устар бөлөх Беринг арыытыгар Командор бухтатыгар сырытта. Манна Витус Беринг уонна экспедицияҕа кыттыбыт дьон көмүс уҥуохтара хараллан сытар.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0